Fylltur bringur með thai gulrótum

Hrikalega góð uppskrift fyrir fjóra. Endilega prufið þessa og látið mig vita hvernig ykkur finnst :-)

4 kjúklingabringur

 4 sneiðar taleggio ostur

 4 sneiðar mozzarella,

¼ rauð paprika (skorin í þunna strimla)

¼ græn paprika

(skorin í þunna strimla)

2 pakkar beikon

Thai Gulrætur

6 gulrætur

 1 rauðlaukur (fínt saxaður)

 ½ msk karrí

 smjör til steikingar

 5 dl kókosmjólk

 1 dl ferskur kóríander

 salt go pipar

 safi úr ½ sítrónu

1. Settu ofninn á 180˚C. Saltaðu og pipraðu bringurnar og skerðu litla vasa í hverja bringu. Fylltu bringurnar með einni sneið af taleggio og einni af mozzarella og tveimur strimlum af hvorri paprikunni. Vefðu 2-3 sneiðum af beikoni utan um hverja bringu og steiktu í ofninum í 15 – 20 mín.

2. Snyrtu og skerðu gulræturnar í litla stafi. Settu klípu af smjöri á heita pönnu og léttsteiktu gulræturnar, laukinn og karríið upp úr smjörinu. Helltu síðan kókosmjólkinni saman við og hristu pönnuna örlítið. Settu lokið á og láttu malla þar til gulræturnar eru orðnar mjúkar. Smakkaðu til með salti, pipar og sítrónusafa. Blandaðu ferskum kórander saman við rétt áður en rétturinn er borinn fram.