Monday 27 January 2014

Alveg Mögnuð Lauksúpa!

Það eru tíl ýmiss útgáfur af lauksúpum og spurningin er hvaðan hún kemur í rauninni, en sumir segja að hún komi frá Frakklandi en Bretarnir segja að hún sé bresk. Mér finnst það kannski ekki skipta höfuð máli, en mín súpa er kannski blanda á milli þess að vera frönsk og bresk, þ.e.a.s. ef maður vill setja einhvern stimpil á hana. Mér finnst hún allavega rosalega góð og ég veit að ykkur á eftir að finnast það líka.

olívuolía, til steikingar
20 gr smjör, til steikingar
3 rauðlaukar, sneiddir
3 laukar, sneiddir
1 blaðlaukur,  snyrtur og sneiddir
3 rif hvítlaukur, saxaðir
skvetta af koníak eða viskí
1 ½ til 2 L Kjúklingasoð
5 blöð salvía
200 gr cheddarostur, rifinn
salt og pipar
Chiabatta brauð, skorið í 4cm þykkar sneiðar

1. Setja olivuolíuna og smjörið í djúpa pönnu eða pott og byrja á að svita hvítlaukinn og sage blöðin létt í ca 1 min. Setja svo allan laukinn saman við og salta og pipra vel. Láta laukinn malla í ca 5 min og hræra í lauknum annað slagið. Setja svo kvettu af brandí eða koníaki  saman við og flambera (kveikja í víninu). Þegar loginn hefur slokknar, setja þá lokið á og lækka hitan og láta malla í 25 min.

2. Setja kjúklingasoðið saman við og láta krauma áfram í 15 min. Það er ráðlagt að hafa kjúklingasoðið heitt áður enn það er sett saman við laukinn. Kveikja svo á ofninum og setja á grill stillingu á mestum hita.

3. Setja svo súpuna í skálar(eldfastar). Skera brauðið í sneiðar og setja eina sneið í hverja skál og rífa vel af osti yfir. Setja skálarnar í ofnskúffu og svo undir grillið í ofninum þar til osturinn er bráðnaður og aðeins brenndur.

No comments: